2 Á TOPPNUM

"VIÐ VORUM Á TOPPNUM - HVAR VARST ÞÚ?". Þetta voru fyrstu orðin sem heyrðust í Guðmundi rétt áðan. Félagarnir komumst á toppinn seint í gær og tók toppferðin uþb 15 og hálfan tíma.

12 voru í upphaflega hópnum. 3 voru hættir fyrir nokkrum dögum og síðan kvarnaðist smám saman úr hópnum og að lokum komust 4 alla leið á toppinn þám okkar menn.

Eins og greint var frá í gær átti að leggja af stað um klukkan 8.30 (10.30 að íslenskum tíma). Eitthvað hefur þetta skolast til því okkar menn voru ennþá í pokunum kl. 08 þegar þeir heyra umgang úti og hópurinn klár í göngu. Strákarnir drifu sig af stað og voru klárir uþb hálftíma seinna og lögðu af stað. Svo hratt var keyrt að ekkert heitt vatn var til fyrir strákana þegar lagt var í hann. Þeir voru síðan hreinlega keyrðir áfram enda náðu þeir hópnum eftir um klukkustundar göngu.

Veðrið var fínt íslenskur skafrenningur þótt hinir í hópnum hafi kvartað yfir stormi! Guðmundur sagði þá hafa hreinlega verið mjög heppna með veður og raun hefði verið allt í lagi að leggja fyrr af stað.

Á toppnum voru strákarnir síðan um 9 tímum seinna eða um kl. 19 að íslenskum tíma. Niður í tjald komu þeir síðan 15 og hálfum tíma eftir að lagt var af stað - gjörsamlega búnir. Guðmundur sagð þá svo þreytta að þeir gátu ekki einu sinni gefið hvor öðrum "five" og varla náðu af sér skónum.

Þegar ég talaði við Guðmund þá voru þeir að fara að taka saman og ganga niður í grunnbúðir.

Til hamingju strákar.

 

 

 

Athugasemdir

[Sigurjon A. Fridjonsson (IP-tala skráð) 6.2.2008 kl. 11:55]

TIL HAMINGJU FÉLAGAR !!! Ég var aldrei í neinum vafa með þetta enda engir smá jaxlar á ferðinni. Núna eru bara steikur og Mendoza rauðvín framundan...nammi nammi

Hlakka til að sjá ykkur hressa í hlýunni hér á Frónni.

Bestu kveðjur, Sigurjón A. Friðjónsson

[Ragna Sæmundsdóttir (IP-tala skráð) 6.2.2008 kl. 12:00]

Til hamingju toppmenn!! glæsilegt!

[Gunnar Sigmundsson (IP-tala skráð) 6.2.2008 kl. 12:10]

Til hamingju drengir - þið eruð ótrúlegir. Hlakka til að sjá myndir og heyra sögur.

[Einar (IP-tala skráð) 6.2.2008 kl. 12:13]

Glæsó.....til lukku.

Einar og AFA liðið

[Guðrún Lára Kjartansdóttir (IP-tala skráð) 6.2.2008 kl. 13:23]

Hæ strákar - innilega til hamingju - frábær árangur hjá ykkur.

[Hermann Valsson (IP-tala skráð) 6.2.2008 kl. 14:48]

Glæsilegt, glæsilegt strákar. Innilega til hamingju með þetta. Frábær árangur hjá ykkur. Nú er bara að njóta rauðvínsins og nautasteikana.

Kveðja Hermann

[Hjördís Anna (IP-tala skráð) 6.2.2008 kl. 16:39]

Hjartanlega hamingjuóskir með að hafa náð toppina.  Stórt klapp á bakinu..

Kveðja Hjördís Anna

[Margrét Ludwig (IP-tala skráð) 6.2.2008 kl. 21:02]

Það var lagið, herrar mínir! Frábært og hjartanlega til hamingju. Hlakka til myndakvölds -- með harðfiski og vatni, að sjálfsögðu. Stolt af ykkur. Góða ferð heim.

Og Jón, takk fyrir fréttaflutninginn.

Bjöggi biður að heilsa.

Margrét

[Ófeigur Sigurðsson (IP-tala skráð) 6.2.2008 kl. 21:18]

Til hamingju með afrekið drengir. Þetta var frábært hjá ykkur. Við Símon fáum nánari fréttir þegar þið mætið næst á Esjuna.

Kveðja Ófeigur

[Alfreð (IP-tala skráð) 7.2.2008 kl. 08:37]

Gott hjá ykkur fimmtugum, farlama gamalmennunum.  Það var svosem ekki við því að búast að restin af hópnum næði að halda í við ykkur.

Kv. Alli

[Þórmundur Bergsson (IP-tala skráð) 7.2.2008 kl. 12:06]

Glæsilegt - sá það strax á Hnúknum að Toni getur þetta - Bókarinn náttúrulega reyndur fjallabrasar- Til hamingju piltar - Þórmundur / Brynja MC Iceland

[Guðrún Rós Maríusdóttir (IP-tala skráð) 7.2.2008 kl. 17:37]

Þið eruð náttúrulega bara langflottastir, innilega til hamingju við hér í grunnbúðum á Langholtsveginum bíðum spennt eftir ferðasögunni.

Kær kveðja Guðrún R