Í HREIÐRI KONDÓRSINS

Hópurinn er kominn upp til Nido eða í Hreiður Kondórsins eins og það er stundum kallað.

Ferðin í gær frá Camp Canda og upp í Nido sem er staðsett er í 5370 m hæð gekk vel þrátt fyrir að bakpokarnir taki vel í og menn verki í bakið þegar í náttstað er komið. Guðmundur fékk það sem kallað er snjóblindu og það þrátt fyrir að hafa byrgt sig vel gegn sterkum geislum sólarinnar en hann var allur að koma til. Strákarnir eru við fína heilsu og hafa sofið vel en hæðin er farin að segja til sín.

Í dag er hvíldardagur en um hádegi á morgun verður gengið upp fyrir Camp Berlin (sem áður voru 3ju búðir) á stað sem kallaður er Kolera og er í tæplega 6000 m hæð. Ef veður leyfir fara kapparnir af stað aðfararnótt þriðjudags á toppinn.

IBÚFEN Í AFMÆLISGJÖF

Guðmundur gleymdi að sjálfsögðu ekki afmælisdegi Antons en hann færði honum 1 stk 400 mg Íbúfen töflu í afmælisgjöf!

Í dag báru strákarnir ríflega 20 kg á bakinu upp í 1. búðir. 5 af 9 í hópnum báru allan sinn farangur á bakinu. 4 keyptu sér burðarmenn og gengu meira að segja svo langt að þeir létu tjalda tjöldunum uppi í Camp Canada líka.

Það hefur snjóað töluvert síðasta sólarhring þannig að kapparnir hafa haldið sig að mestu inni í tjaldinu. Héldu m.a. þorrablót þar sem á boðstólunum var vatn og harðfiskur. Strákarnir hafa haldið svolítið hópinn með þeim Jerry og Donald og sátu einmitt og spiluðu Olsen Olsen þegar ég heyrði í strákunum áðan.

Anton bað fyrir kærar kveðjur heim - þakkað öllum þeim sem sent hafa honum afmæliskveðjur í gegnum gestabókina á blogginu.

Á morgun verður gengið upp í 2. búðir í Nido de Condores sem liggja í um 5450 m. Á sunnudag verður síðan hvíldardagur hjá hópnum.

 

 

ALLT FYRIR ÁSTINA

Vonandi vakti fyrirsögnin athygli... en það er farið að kvarnast úr hópnum hjá þeim félögum.

Kærustuparið og nú hjónin Rince Lei Yu frá Kína og Kuan Sim Sze komu til að klífa Aconcagua sem hluta af brúðkaupsferð sinni.

Lei Yu er þrautreynd fjallakona sem m.a. hefur gengið á Elbrus, Kilimanjaro og fleiri viðlíka tinda. Hún náði sér í fjárfestingabankamanninn Kuan Sim frá Singapoore sem ekki hafði áður gengið á fjöll en verið liðtækur í ræktinni. En hvað gerir maður ekki fyrir ástina segir Guðmundur og Kuan Sim samþykkti að fara til Argentínu til að klífa Aconcagua í brúðkaupsferð. Parið gifti sig 5. janúar sl. og fljótlega eftir það var lagt af stað til S-Ameríku.

En strax þegar upp í grunnbúðir var komið var Kuan Sim algjörlega búinn á sál og líkama. Þegar þau settust niður í messatjaldinu sofnaði kappinn og var hreinlega illa haldinn. Talið var að hann væri með vatn í lungunum og var hann fluttur niður til Mendoza í þyrlu en eiginkonan fékk far með múlasna og þar með lauk þessari fjallgöngu hjá þeim.

Þá hætti Kóerumaðurinn Chung Kyung líka eftir gönguna upp í 1 búðir í gær. Hann er búinn að vera með stöðugan niðurgang og orðinn máttfarinn og fór af stað á múlasnanum niður til Mendoza fyrr í dag.

 

Í GÓÐU STANDI

Það var gott hljóð í þeim Guðmundi og Antoni áðan og reyndar fínasta símasamband líka. 

Í gær gengu þeir upp í 1. búðir í Camp Canada 4910 m og aftur niður í grunnbúðir. Í þessari ferð kom ágætlega fram í hvernig formi menn eru í hópnum.

Í dag er síðan hvíldardagur í grunnbúðum. Farið í stuttan göngutúr og allur búnaður yfirfarinn því að á morgun 1. febrúar hefst klifrið sjálft með 15-20 kg á bakinu. En við vigtun áðan hjá strákunum kom í ljós að pokarnir sem þeir ætluðu að bera eru nærri 20 kg og ekkert hægt að sleppa. Þannig að það verða þung skref á morgun upp í Camp Canada.

Anton komst síðan að því að einhverjir í hópnum eru búnir að kaupa burðarmenn á farangri upp í amk Camp Canada. Antoni var ekki skemmt við þessi tíðnidi. Hann var satt best að segja alveg brjálaður og ætlaði að hjóla í viðkomandi en Guðmundur bað hann að hafa sig hægan nóg væri áreynslan á hjartað að hann væri ekki að æsa sig eitthvað líka.

Það er búið að vera nokkuð kalt á strákunum undanfarna daga, allt niður í 15 stiga frost,  en heilt yfir samt ágætis veður. Fyrir áhugasama má benda á veðurspána fyrir fjallið http://www.snow-forecast.com/resorts/Aconcagua/3day/bot .

Af ferðafélöunum hafa 4 reynt við Aconcagua áður en enginn náð topnnum en það eru auk Guðmundar hjónakornin Jay og Rachel og landi þeirra Steve Poulsen frá Bandaríkjunum. Bandaríkjamaðurinn Thomas hefur farið yfir 8000 metra í Himanlaya fjöllum (Cho You - en náði ekki toppnum) og einnig reynt við Everest tind sjálfann árið 2005.

Anton á síðan afmæli föstudaginn 1. febrúar og ég hvet alla sem sjá þetta að fara inn í gestabókina hér til hliðar (hægra megin) og senda kappanum línu.

 

FERÐAFÉLAGARNIR

Heyrði örstutt í Guðmundi í gær - mjög vont og stopult samband. En núna er allur hópurinn kominn saman og hér er listi yfir ferðafélagana:

Nafn	Kyn	Aldur	Land
Jerry MICHALEK	Karl	50	USA
Donald RENAULD	Karl	59	Canadian
Guðmundur Maríusson	Karl	45	Island
Anton Antonsson	Karl	45	Island
Thomas KOZO	Karl	66	USA
Chung KYUNG WON	Karl	56	Korea
Roy KNOEDLER	Karl	62	USA
Steve POULSEN	Karl	61	USA
Rachel	Karl	46	USA
Jay	Kona	47	USA
Rince LEI YU	Kona	36	China
Kuan SIM SZE	Karl	43	Singapore

Þegar rennt er yfir listann sést strax að aðeins eru 2 konur í ferðinni og má þá taka undir orð Antons í morgunútvarpinu í gær: "Það mætti nú vera meira af kvenfólki hérna."

 

Í dag er á áætlun að ganga upp í 1. búðir - Camp Kanada sem eru í 4910 m. Þar er stoppað í um klukkutíma og gengið aftur niður í grunnbúðir og gist þar áfram. Guðmundur áætlar að þessi ferð taki um 6-7 tíma.

AT BASE CAMP - PLACA DE MULAS

Few words in English for our foreign friends:

Gummi and Anton are now at BASE CAMP - Placa de Mulas. They arrived there on friday after long walk from Confluencia - it took about 9 hours and the weather was not helping them - a little bit of everything - snow, rain, wind and freezing temperature.

On Sunday they went through some physical tests and had some good results. On Monday the last of their travelling partners were arriving so the 12 man group is getting to know each other.

They are of course sleeping in tents and it is very cold outside now, about -12°C.

On Monday they took some acclimatization walk to Bonete peak about 5000 m.  I talked to Gummi yeasterday and they were feeling great.

 

ANTON Í MORGUNÚTVARPINU

Hrafnhildur og Gestur tóku viðtal við Anton í morgun. Hér má hlusta á viðtalið .. http://dagskra.ruv.is/streaming/ras2/?file=4368152

Viðtalið var tekið kl. 06.15 að S-Amerískum tíma og þurfti Anton að tala lágt svo þeir myndu ekki vekja allt tjaldsvæðið í grunnbúðum upp. Anton sagði m.a. að þeir félagar væru ekki neinir reynsluboltar heldur væru þeir hin týpan - þessi almúgi sem gerir þetta að tómstundagamani og pínulítið öðruvísi - það geta þetta allir - farið í svona ferðir sagði Anton!

Í GÓÐU STANDI

Ég heyrði í Guðmundi í gær og það var gott hljóð í köppunum eftir aðlögunargönguna á Bonete tind. Þeir fengu frábært veður og útsýnið hreint stórkostlegt yfir leiðina framundan. Tindur Aconcagua sést reyndar ekki frá Bonete en næstu búðir - bæði Nido og Plaza Canada.

Strákarnir fóru í læknisskoðun í gær og fengu góða uppáskrift. Báðir fengu 88 í súerfnisupptöku sem þykir mjög gott. Þá mældist blóðþrýstingur þeirra beggja góður. Ferðafélagarnir fengu sömu leiðis gott mat og hafði læknirinn á orði að þar færi sterkur hópur.

Úti er skítakuldi uþb 10-12 stiga frost en veðurspáin er ágæt næstu daga. Á morgun verður búnaðarprófun og m.a. verða broddarnir settir undir og æfð tökin með ísexina á Horocones jöklinum við grunnbúðir. Að öðru leiti verður þriðjudagurinn hvíldardagur.

Hér má sjá leiðina sem gengin er frá grunnbúðum upp til Plaza Canada - 1 búða.

 

 

GUNNBÚÐIR - PLACA DE MULAS

Á föstudag gengu strákarnir upp til Placa Francia og aftur niður til Confluencia og gistu þar. Í gær, laugardag, gengu síðan kapparnir í tæpa 9 tíma upp í grunnbúðir - Placa de Mulas sem eru í 4300 m.

Leiðin upp í grunnbúðir er eftir löngum dal - Superior Horcones Vally - sem hefur myndast eftir að Horcones skriðjökullinn hefur hopað. Þetta er gróðursnautt og vindsamt landssvæði. Ferðin gekk ágætlega en að það skiptust svo sannarlega á skin og skúrir en strákarnir fengu bæði sól og blíðu og einnig haglél og rigningu á leið sinni upp í grunnbúðir.

Svona litu aðstæður út í grunnbúðum þegar Guðmundur var þar á ferð fyrir 2 árum:

Strákunum líður vel þótt Guðmundur hafi fengið smá ónot í magann í gær þá var það horfið í morgun. Á nóttunni er frost og ískalt en þegar sólin kemur upp hitnar fljótt. Anton hafði á orði í gær að það hlyti að vera 10 stiga hiti (skv hitamælinúm á árinu sínu) og því skyldi hann ekkert í því þegar hann vaknaði í morgun að allt vatnið var frosið. Veðrið er annars þokkalegt, enginn snjór er í grunnbúðum og því aðstæður hinar bestu.

Aðeins 2 eru komnir af ferðafélögum strákanna - hinir eru væntanlegir í dag og á morgun. Annar heitir Donald Renauld 59 ára Kanadamaður sem bæði hefur gengið á Kilimanjaro og Mt Blanc. Donald þessi er athyglisverður fír, í gríðarlega góðu formi sat og tekur uþb 30 magaæfingar fyrir svefninn. Hann hefur hlaupið maraþon á 2:50 sem er frábær tími og til marks um afburða íþróttamann.  Hann fann ekkert fyrir hæðinni á Kilimanjaro og virkaði traustur ferðafélagi.

Hinn heitir Jerry Michalek, fimmtugur Bandaríkjamaður og stórskemmtilegur náungi. Vill helst vera fremmstur og gengur hratt. Hefur 35 ára reynslu af fjallgöngum og gönguferðum í fjöllum Ameríku. Hefur reyndar ekki farið áður yfir 3500 m. Á hótelinu niður í Mendoza vakti hann almenna athylgi en þar hljóp hann á hlaupabretti með 20 kg bakpoka á bakinu. Strákarnir kölluðu hann strax Olla ofvirka enda alltaf að - búinn að taka allt upp í 5 km gönguferð þegar hinir vakna! Gengur ætið með mikinn ipod með um 3000 lögum inn á ásamt svipuðu magni af myndum af léttklæddu kvenfólki enda segist hann ekki vilja gleyma því hvernig kvenfólk lítur út þótt hann hlaupi á fjöll. Stefnir að því að sýna strákunum slideshow með léttklæddu konunum með We are the champions rokkandi undir þegar þeir koma til með að standa á toppnum.

Í dag og á morgun eru síðan hvíldardagar sem notaðir eru til hæðaraðlögunar. Í dag verður  gangast strákarnir undir læknisskoðun þar sem blóðþrýsingur og súrefnisupptaka er mæld í sjúkratjaldinu. Á morgun mánudag verður gengið á Bonete tind sem er í nágrenni grunnbúða. En það er uþb 5000 m hár tindur og frábær tindur til hæðaraðlögunar.

 

 

AT CONFLUENCIA

Some info in english for our foreign friends:

Gudmundur and Anton flew out from Iceland via London and Madrid and landed in Santiago (Chile) on tuesday. Then on to Mendoza in Argentina. They were pretty tired when they arrived at the hotel in Mendoza after nearly 30 hours travelling and their luggage still in Santiago!. The luggage came to Mendoza and straigt to their hotel later that day so it was ok. Gummi was not very happy whent they waited and waited and nothing happened in the airport at Mendoza.

On wednesday they drove to Puente del Inca (2.725 m), the old Inca Spa. There they unpacked and re-packed their luggage at put some onto the mules that will carry the luggage up to Confluencia (approx. 3450 m).

On thurday they drove some 7km to the Aconcagua national park and registered for the climp. I talked to Gummi on thursday night were he and Anton sat in their tent aftur 5 hours walk from the national park gates. They were feeling fine and looking forward for the long walk up to Palza Francia and back to Confluencia on friday. The weather was ok but heavy rain when I talk to Gummi. On saturday they will walk up to Plaza de Mulas the base camp in 4370 m. The walk takes about 8-9 hours so this will actually be the first of the hard days ahead.