Mendoza - Puente del Inca

Heyrði í köppunum í rútunni á leiðinni til Puente del Inca. Þeir voru sprækir sváfu sérstaklega vel eftir góða steik og Malbeq rauðvín í gærkvöldi. Farangurinn skilaði sér þannig að segja má að allt sé skv. áætlun.

Þegar til Puente del Inca er komið er planið að fara í gönguferð um svæðið og ganga upp á einhvern "hól" ca. 3000-3500 m.y.s. og fara svo aftur niður og hvílast enda gengur hæðaraðlögun út á það að ganga hátt og sofa lágt.  hæðaraðlögun skiptir ákaflega miklu máli að drekka nóg af vatni, lágmark 4 lítra á degi hverjum og 6 lítrar er ekki of mikið! Þótt uppþornun/vatnsleysi valdi ekki hæðarveiki, þá dregur hún úr líkamlegri getu þ.á.m. getunni að nýta hita frá vöðvum sem aftur getur leitt til þreytu og kulsækni sem ýta undir hæðarveiki.

Í Puente del Inca voru eitt sinn heitar laugar og gæti þessi staður allt eins verið í Landmannalaugunum okkar hvar samspil sjóðandi vatns og íss myndar sérkennilegt sjónarspil.